Kabanata 574 Babaero

Dati, laging iniisip ni Jada na babaero si Joel at hindi mahuhulog ang loob nito sa iisang babae. Tanggap niya naman ang katotohanang ito basta ba siya ang maging second young missus ng pamilya Foster. Ngayong araw, napagtanto niyang mali pala siya. Hindi man masabi ng iba pero nakikita niyang nahulog na ang loob ni Joel sa babaeng ito. Bakit? Bakit ang lalaking tinapon siya na parang wala lang ay magkakagusto sa iba? Saan siya nagkulang kumpara kay Lucy? Ayaw itong tanggapin ni Jada! Sa kakaunting liyab lamang, nag-apoy na ang binhi ng galit na itinanim niya sa kanyang loob. Habang nagngangalit, kinuyom niya ang kanyang kamao at napatitig sa larawan sa screen. Nagtagal bago siya nakahinga nang malalim. Nilabas ni Jada ang kanyang cellphone at tumawag. “Hello, tulungan mo akong hanapin ang isang tao. May ipapagawa ako sa kanya…” Samantala, sa kabilang banda. Hindi alam ni Lucy na siya ang puntirya ni Jada. Binigyan ni Susan si Lucy ng maraming day off. Pagkatapos nito, tu