Kabanata 48 Panalo sa Huling Race

Inisip ni Liam na hindi marunong si Nell sa race. Kaya, agad niya itong tinanggihan nang walang alinlangan nang magsalita ito. Kahit pumayag siya pagkatapos ng kanilang pustahan, hindi naman siya umaasa ng kahit ano. Sino naman ang nakakaalam na napakagaling ni Nell! Nang tinignan ni Liam ang kotseng nakasunod sa kanya, agad niya naisip ang babae. Nakasuot ito ng mask at nahihiyang nagtatago sa likod ni Nell kanina. Ang mga mata ng babaeng ito ay tila ba gawa sa pinatandang alak, marami itong dalang komplikado at masasakit na emosyon mula sa ilalim ng kanyang puso. ‘Buwisit!’ ‘Sino siya para magpakita sa harap ko!’ Sinuntok ni Liam ang manibela, at talagang nandidilim ang mukha niya. ‘Gusto niyang kumain kasama ako?’ ‘Hah! Sa panaginip niya!’ Ngumiti siya nang malagim habang nakatitig sa kanyang rearview mirror. Nakasunod pa rin sa malapit si Nell, halata namang magaling talaga ito. Ganoon pa man, ano namang paki niya? Hindi siya matatalo! Determinado si Liam na hindi ha