Kabanata 1026 Botanist

Dalawang oras ang itinagal para malibot nila Nell at Gideon ang buong kastilyo. Habang sinisiyasat nila ang paligid, napansin nilang maraming kasambahay na nagtatrabaho rito. Pare-pareho ang kanilang dayalekto. Kahit hindi nila nauunawaan ang sinasabi ni Nell, nanatiling mabuti ang pakikitungo nila sa dalawa. Masyadong malaki ang bahay kaya halos maligaw sila Nell. Mamaya-maya, nahanap na lamang nila ang kanilang sarili sa lugar kung saan sila unang nagkita ni Cathy. Nang makabalik sila, 6:00 na ng gabi. Nakauwi na rin si Sean mula sa kanyang trabaho sa lab. Nang makita niya sila Nell, inutusan niya ang mga kasambahay na sabihan si Cathy at ang mga bata na maghanda na para sa hapunan. Ngiting-ngiti si Nell nang tanungin niya si Sean tungkol sa kanyang araw. Sa gulat ng dalawa, mas banayad na si Sean sa kanyang pakikitungo sa kanila. Maraming pagkain ang inihanda sa mesa sa gabing iyon. Habang nasa hapag, kitang sanay na si Cathy sa mga bata dahil nakalaro niya nang matagal si L