Kabanata 1014 Kwentuhan Kasama Ang Mga Dating Kaibigan

Nanlaban si Sunny mula sa yakap ng kanyang ina para makababa siya. Masaya niyang iwinagayway ang kanyang kamay. “Ako ang taya at ikaw ang magtatago.” Tumango si Lizzy at hinawakan niya naman ang kamay ni Viemond. “Pwede rin bang sumali ang kapatid ko?” Sa pagkakataong ito, napatahimik si Sunny. Tinikom niya lamang ang kanyang bibig at tinignan niya si Viemond nang masama. Pagkatapos ipaliwanag ni Nell ang sitwasyon, naunawaan rin ni Viemond na hindi naman gustong saktan ni Sunny ang kanyang ate. Naglalaro lang sila. Subalit, ma-pride rin ang batang ito. Ayos lang naman kung nasa bahay siya at ang pamilya niya lamang ang kasama niya, pero kapag kaharap niya ang ibang tao, lalo na sa unang beses, hindi siya hihingi ng tawad para sa kanyang ginawa. Kaya, nagkatitigan lamang ang dalawang bata. Namumula ang kanilang mukha na para bang walang gustong bumigay at humingi ng pasensya. Natawa si Nell at Janet. Sa huli, hindi nila nagawang makapaglaro ng tagu-taguan. Parehong matalino