Kabanata 185

Si Lethan ang nagpa-reserve ng room at ipinatawag na nito ang waiter upang ihain ang kanilang pagkain. Samantala, nakangiting tinanong ni Shania si Carlisle, "Ano ang kursong kinukuha mo, Mr. Zahn?" "Huwag niyo po akong tawaging ganun, Ms. Warbane. Tawagin niyo na lang po akong Lyle o Carl," sabi ni Carlisle. Napag-desisyunan na ni Carlisle na si Wanda ang para sa kanya. Dahil ang tiyahin ni Wanda ay magiging bahagi ng kanyang pamilya, naisip niyang mas mabuting magpakabait sa kanilang unang pagkikita. "Sige, diretsahan na lang tayo. Tawagin na lang kita na Lyle o Carl mula ngayon," sagot ni Shania nang walang pag-aalinlangan. Matapos sabihan ang waiter na ihain na ang mga pagkain, bumalik si Lethan sa kanyang upuan. "Carlisle," bahagya itong ngumiti, "sabihin mo nga sa akin nang tapat. Gaano na kalayo ang narating niyo ni Wanda?" Ang mga salitang iyon ay naging dahilan upang maging interesado si Shania. "Oo nga, Lyle, paano mo nakuha ang loob ni Wanda? Nangako siya sa kanyang i