Kabanata 173

“Salamat, Boss.” Mabigat ang loob ni Francis noong sinabi niya ito. Kumuha naman ng cash si Carlisle mula sa lamesa at iniabot niya ito kay Francis. “Kuhanin mo na ‘to at bilhan mo ng kung anuman ang mga magulang niya.” Nagdalawang-isip muna si Francis bago niya tinanggap ang pera. Hindi siya nakatanggap ng regular discharge sa army, kaya naman wala siyang severance pay. Ang lahat ng mga pera na kinita niya sa pagmamaneho ng taxi ay naibigay na niya sa kaniyang mga matatandang magulang. Nagtanong bigla si Carlisle kay Renee, “Do you need to take a leave?” Nanginig si Renee at nag-aalalang tumingin sa supervisor niya. “Madam, baka...” “Si Mr. Zahn na ang nagsabi. Aayaw ka pa ba?” Inirapan siya ng supervisor niya. Ang finance supervisor niya ay si Gladdish Carter. Babaeng nasa 40s na, may suot na pearl necklace, silver bracelet at isang gold ring. Mayroon siyang kalakihan sa katawan at mahilig siyang magsuot ng heavy makeup. Nakasimangot si Logan kay Gladdish, ganoon din ang reaksyon ng