Kabanata 601

“Kung may abilidad ang mga intern na yun, hindi nila gugustuhing manahin na lang ang family business natin sa umpisa pa lang. Ibang trabaho dapat ang ginagawa nila.” Sabi ni Shane nang nakatawa. “May mas magaganda pang oportunidad sa labas kaysa magtrabaho sila sa'tin, kaya hindi magagaling ang mga intern na nakuha mo.” Hindi napigilan ni Carlisle na bumuntong-hininga. “Ano palang ginagawa mo ulit dito? May kailangan ka ba?” Napansin na ba ni Shane sa wakas kung gaano kahirap mabuhay nang wala ang suporta ng pamilya niya at nagpasyang bumalik? “Syempre,” sagot ni Shane habang naglabas siya ng isang kwaderno. “Gusto kong magsimula ng negosyo. Meron kaming proyekto, pero kulang kami sa karanasan at kakayahan sa management. Kaya naisip kong manghingi ng payo mula sa'yo.” Tinitigan ni Carlisle si Shane at napansin niya kung gaano kalaki ang pinagbago niya simula nang pinalayas niya siya. Noon, hindi umapak si Shane sa kumpanya tuwing sinasabihan siya ni Carlisle. Pero para bang m