Kabanata 67

“Magpalitan tayo ng numero! Iimbitahan kita sa susunod na magkaroon tayo ng class reunion,” sambit ni Yasmine. “Bakit mo kailangan ang numero niya? Wala siyang karapatan tumungo sa class reunion natin. Sa tingin mo ba siya pa din ang mayamang tagapagmana ng pamilya Lewis?” bastos na sinabi ni Jace. “Jace, bakit ka ganyan magsalita? Magkaklase nga naman tayo,” naiilang na sinabi ni Yasmine. “Prangka lang akong tao. Sana okay lang sa iyo,” nakangiting sinabi ni Jace at nakataas ang kilay. “Hindi okay sa akin.” Direktang insulto ito. Hindi na nagbait-baitan si Steven. Nanigas si Jace bago mapanghamak na tumawa. “Anong pakielam ko kung okay sa iyo o hindi? Wala ka ng halaga ngayon. “Binati ka lang ni Yasmine dahil naaawa siya sa iyo. Sineseryoso mo ba ito? Baka wala ng iba na nakakaalam sa nakaraan mo, pero ako alam ko pa.” “Tama na, Jace. Huwag ka magsimula ng gulo,” sambit ni Yasmine. Ginawa lang niya ito tulad ng sinabi ni Jace, dahil sa awa. Minsan nga naman silang magkakaklase