Kabanata 221

Hindi na lubos na nag aalala si Song Anyi kay Tang Ruochu dahil alam niya na mayroon siyang konsiderasyon sa lahat ng bagay na ginawa niya. Kahit na siya’y apihin, gagamit siya ng mas malupit na paraan para balikan sila. “Ayos lang. Kaya ko ‘tong harapin.” Tumango si Tang Ruochu. Pagkatapos niyang tanggapin ang payo mula sa mabuting kaibigan niya, nakaramdam siya ng mainit na ginhawa sa puso. Nag uusap pa rin ang dalawa nang may biglang sumulpot na kaguluhan sa labas ng Media Department. Pagkatapos, may isang babaeng mula sa department na biglang tumakbo ng may kasabikan sa kanyang mukha at sinabing, “Naglilibot ang bagong CEO! Dali, umupo kayong lahat!” Matapos sabihin ang mga salitang ito, parang itong isang kulog na mabilis na kumalat sa buong department. Sa mga sumunod na sandali, nasabik ang lahat ng mga babaeng empleyado sa department. “Dali! Tulungan mo akong tingnan kung pantay ang make up ko.” “Xiao Zhang, pahiram ng pabango mo!” “Lintik, nasaan ang foundation ko?” ..