Kabanata 300

Sumakay sa kotse si Madeline, at humarurot ang kotse papuntang April Hill. Palubog na ang araw at umihip ang maalat na hangin mula sa dagat. Isa itong alaala ng nakaraan, ngunit gaya ng camphor tree na maliit lang ang pinagbago sa paglipas ng panahon, hindi na ito gaya ng dati. Inayawan na ni Madeline ang April Hill mula noong huling beses na dinala ni Jeremy si Meredith dito. Naaalala pa niya ang mga salitang sinabi ni Meredith kay Jeremy, kung paano nilarawan ni Meredith ang unang pagkikita nila, na katulad na katulad ng unang pagkikita nilang dalawa ni Jeremy. Nagkataon lang ba yun, o isa nanaman 'tong biro na madalas gawin ng tadhana? Habang tahimik siyang nag-iisip, lumingon siya at nakita niya na nagbubukas ng isang bote ng red wine si Jeremy. "Anong problema mo? Para bumyahe ka ng ganito kalayo, siguro espesyal sayo ang lugar na 'to 'no?" Lumapit sa kanya si Madeline, sinadya niyang magkunwari na nagtataka siya. "Posible bang dito kayo nagkakilala ni Meredith?"