Kabanata 2315

Tinignan ni Ava ang nakangiting Raegan ngunit hindi niya mapigilan na sumimangot. “Alam mo na nung una pa lang na ako at ang doktor ay dito maghahapunan, ano?” Matapos itong tanungin ni Ava, biglang huminto si Raegan sa paghiwa ng gulay at aksidenteng nasugatan niya ang kanyang daliri. Kaagad na nagdugo ang sugat. Hiss! Napasinghap sa sakit bigla si Raegan. Nang makita niya ang eksenang ito, biglang sinisi ni Ava ang kanyang sarili dahil sa nagtanong siya sa oras na to. Kumirot ang kanyang dibdib ng makita niya ang sugatan at nagdurugong daliri ni Raegan. “Nasaan ang first aid kit?” Mabilis na nagtanong si Ava, dahil sa alam niya na madalas ay meron silang nakatabing first aid kit sa bahay. Hindi alintana ni Raegan ang maliit na sugat, ngunit nakaramdam siya ng tuwa ng makita niya si Ava na nag-aalala tungkol sa kanya. “Ava, balewala lang to. Maliit lang itong sugat. Hindi ko kailangan ng first aid kit,” sabi ni Raegan at hinugasan ang sugat gamit ng malinis na tubig.