Kabanata 1714

“Makikituloy ka sa amin?” Nasupresa si Cathy, pero kaagad din niyang naunawaan ang rason. “Dahil ba ito sa ayaw mo nang may mangyaring hindi inaasahan sa akin, tulad ng madukot para gamitin na pangblackmail uli, kaya gusto mo akong protektahan?” Tinignan ni Adam si Cathy ng hindi itinatanggi ang mga sinabi nito. “Ayoko nang makaranas ka pa ng kahit na anong masamang pangyayari. Kahit na may gusto pa silang gawin pa sayo uli, kahit paano naman ay nandoon ako sa tabi mo para protektahan ka.” Naantig ang kalooban ni Cathy sa mga sinabi ni Adam, pero alam nila pareho na hindi ito kapareho ng pagmamahal. … Pagkaalis nila Adam at Cathy, nanatili sa loob ng kwarto si Jeremy, binabantayan ang dalawang babae na mahalaga sa kanyang buhay. Ang isa ay ang pinakamamahal niya asawa, at ang isa pa ay ang kanyang pinakamamahal na munting prinsesa na matagal na niyang gustong protektahan. Ang dalawang ito ay napakaimportante sa kanya, pero hindi niya magawang protektahan ang mga ito.