Kabanata 1554

"Ibig sabihin ba nito, alam mo nang peke ang nasa tabi mo noong umpisa pa lang?" "Oo naman," walang alinlangang sumagot si Jeremy. "Walang ibang babae na makakapagbigay sakin ng pakiramdam na binibigay mo sakin, kahit na kamukhang-kamukha mo pa ang babaeng yun, Linnie." Pakiramdam ni Madeline ay napuno ng honey ang puso niya. Noong bumitaw siya at sinubukan niyang magtanong, hinalikan ni Jeremy ang mga labi niya. Nagulat si Madeline. Noong ipipikit na niya ang mga mata niya upang halikan pabalik si Jeremy, naramdaman niya na may humihila sa pantalon niya. “Mommy.” “...” Agad na namula ng husto ang mga pisngi ni Madeline. Muntik na niyang makalimutan na may bata sa tabi niya. Narinig rin ni Jeremy na tinatawag ni Pudding ang nanay niya, kaya wala siyang magawa kundi bitawan ang yakap niya kay Madeline. Namula si Madeline at dinampot niya ang bata na busog na ngayon. Dahan-dahan niyang pinunasan ang bibig ng bata. "Wala ba dito ang mga magulang natin dahil pinalabas m