Kabanata 1205

Gumaan ang loob ni Madeline sa sinabi ni Jeremy. Hindi na siya kinakabahan, ngunit mas marami siyang iniisip ngayon kaysa noon. Habang sinusubukan pa niyang intindihin kung ano ang sinasabi ni Jeremy, biglang pumasok ang mga pulis sa bahay upang hanapin si Jeremy. "Mr. Whitman, sangkot ang pangalan mo sa isang kaso ng pagpatay. Sumama ka samin pabalik ng prisinto para sa imbestigasyon." Seryoso ang mukha ng pulis na namumuno sa grupo. Habang nagsasalita siya, sinubukan niyang lagyan ng posas ang mga kamay ni Jeremy. "Sasama ako sa inyo sa prisinto para sa imbestigasyon, pero dahil wala namang ebidensya na magpapatunay na ako nga ang pumatay kay Lana, walang sinuman ang pwedeng maglagay ng posas sakin." Tiningnan ni Jeremy ang posas, at dahil kusa siyang sasama sa mga pulis, naglakad siya ng mag-isa palabas ng bahay ng walang posas. "Jeremy!" Hinabol siya ni Madeline, at pati na rin nila Jackson at Lillian. Napahinto sa paglalakad si Jeremy noong makita niya na humahabol sa