Kabanata 116

Pinanood ni Madeline si Sean na marahang nilagay ang kwintas sa leeg ni Meredith. Ang mga mata ni Meredith ay napuno ng luha at bakas ang tuwa sa kanyang mukha. "Nakakatuwa naman, nakabalik na ang kuwintas sa ating pinakamamahal na anak." Narinig ang natutuwang boses ni Eloise. Ang kanyang titig ay puno ng pagmamahal ng isang ina habang tinititigan niya si Meredith. Habang tinitignan ang pangyayari, hindi mapigilan ni Madeline na maiyak sa hindi maipaliwanag na sakit na tumusok sa kanyang puso. Humakbang siya paharap at sinubukang magpaliwanag. "Hindi ko ninakaw ang kuwintas na iyan, iniwan sa'kin 'yan ng lolo ko…" "Madeline, ano na naman ang balak mong gawin?!" Bigla siyang pinutol ni Rose at mapwersang hinila ang balikat ni Madeline. "Lumayas ka dito ngayon din! 'Wag mong iisipin kailanman na madaling kalabanin si Meredith!" Nagpatuloy na sumigaw si Rose habang hinila niya si Madeline papalayo sa kanila. Gustong manlaban ni Madeline pero napakahina ng kanyang katawan. La