Kabanata 521

Samantala, biglang natulala si Madeline. Nang makita ang pirma ni Jeremy sa divorce agreement, di lang sa di siya mapakali o mapanatag. Sa katotohanan, nakaramdam siya ng kirot. Ang mga masasayang alaala mula sa kanyang pagkabata, ang lihim na pag-ibig niya mula noong bata pa siya, at ang pumalyang kasal na magtatapos na sa sandaling ito. Paglabas sa pinto ng law firm, tumingin si Jeremy kay Madeline nang may naaalala. "Linnie, pwede ba kitang mahawakan sa huling pagkakataon?" Tatanggi sana si Madeline, ngunit tumango siya na parang sinapian siya. Ngumiti nang bahagya si Jeremy tapos iniunat ang kanyang braso para yakapin siya. Ipinikit niya ang kanyang mga mata at nilasap ang huling sandaling ito. Nang idilat niya ulit ang mga mata niya, nanlabo na ang paningin niya. Naging masaya sana ang mga bagay. Kaso, sinira niya mismo ang kaligayahan niya. Sinaktan niya ito nang lubos pero sinubukan niya pa ring hingiin ang patawad nitl. Talagang kasuklam-suklam siya. "Pwede ko