Kabanata 186

Hindi mapigilan ni Madeline na mapahinto sa kanyang paglalakad. Tinignan niya si Meredith na sinabi ang mga salitang iyon habang nabalot ng pagdududa ang kanyang puso. Bakit parang kapareho ng karanasan niya ang nakaraan nina Meredith at Jeremy? Higit pa roon, sa April Hill rin ba sila unang nagkakilala? "Jeremy, wala na akong iba pang kailangan, pero hindi ko talaga kayang mawala ka sa'kin. 'Wag mo kong iwan, okay?" Bumalik ang isipan ni Madeline nang marinig niya ang mahinang boses ni Meredith. Nakita niya ang luhaang mga mata ni Meredith habang tinitignan si Jeremy. Kahit na hindi sumagot si Jeremy, naglabas siya ng panyo para balutin ang sugat ni Meredith. Nag-aalala pa rin siya masyado para kay Meredith. "Jeremy…" "'Wag ka nang magsalita. Dadalhin kita sa ospital." Malambing na tinignan ni Meredith si Jeremy, "Jeremy, dahil kasama kita, hindi ko masyadong nararamdaman ang sakit. Alam ko na poprotektahan mo ko habangbuhay." Narinig ni Madeline ang mga salitang i