Kabanata 489

Hindi maunawaan ng maliit na utak ni Ivan ang nangyayari. Saan nakuha ni Fane ang ganung karaming pera? 95 milyon? Nasa katinuan pa ba siya? Itinikom ng mahigpit ni Ivan ang kanyang bibig. Huminto muna siya saglit bago sabihin, “Sige. Hindi ako sinuswerte sa araw na to. Hahayaan kitang manalo ngayong araw na to. Pero, gusto ko talagang malaman kung sinadya mo bang taasan ang presyo para lang lokohin ako. Meron ka bang ganung kalaking pera? Hmph! Kung hindi mo kayamang maglabas ng siyamnapu’t-limang milyon ngayon mismo, hindi palalampasin ng lahat ng mga tao lalo na ng pamunuan ng auction ang ginawa mo!” “Siyamnapu’t-limang milyon! Hindi kapani-paniwalang halaga!” “Tama! Paano makakapaglabas ng siyamnapu’t-limang milyon ang isang sampid na son-in-law na kagaya mo? Isa lang tong villa! Halos isangdaang milyon na ito!” “Malamang ay aatakihin sa puso ang may-ari ng villa na nagkomisyon ng auction na to dahil sa kinalabasan!” Nagulantang din pati ang mga mayayaman na negosyante.