Kabanata 322

Nakatayo sa labas si Sharon at sobrang kinakabahan. Hindi niya mapigilan na higpitan ang kanyang mga kamao at iyuko ang kanyang ulo sa takot. Alam na alam niya na masyado siyang mataba. Pero, hindi niya mapigilan ang sarili niya pagdating sa pagkain––lalo na sa mga matatamis. Dahil dito ay mas lalo siyang tumaba nang tumaba. May malaking posibilidad na tatanggihan siya ni Fane dahil sa laki ng kanyang katawan. "Sasa, wag kang mag-alala. Naniniwala kami sa'yo! Ang babaeng may tiwala sa sarili ang pinakamaganda sa mundo at tiyak na magtatagumpay ka! At saka, kailangan mong magtapat sa kanya para malaman kung ganoon rin ang nararamdaman niya sa'yo. Paano niya malalaman? Hindi ka magtatagumpay kung hindi ka magtatapat, pero merong kang tyansa kung ginawa mo. Mas magandang subukan mo kahit na ano pang maging kalalabasan!" Isang balingkinitang babae na nakasuot ng leather na palda at may mahabang mga binti ang ngumiti kay Sharon at mukhang maganda ang kanilang relasyon sa isa't-isa.