Kabanata 253

Kahit na anong mangyari, ngayon na nanalo si Fane sa laban, hindi na kailangan ni Young Master Clark na tumulong para bayaran ang bill. Sa katotohanan, base sa patakaran na nakasaad dito, kailangan nilang gawing libre ang bill ni Fane at bayaran pa siya ng tatlong milyon bilang pabuya. "General manager, tungkol dito… Hindi namin inaasahan na mananalo siya. Mukhang nakatipid kami ng pera!" Nakangiting sabi ni Ken kahit na naiinis siya sa loob-loob niya. Simpleng ngumiti si Fane at kumaway kay Ken. "Salamat Young Master Clark sa pagsuporta sa'kin kaya nagawa kong lumaban nang walang inaalala!" "Hahaha, wala 'yun. Magkakakilala tayo at kaibigan ko pa si Selena!" Nakitawa si Ken na para bang maganda ang samahan nila ni Fane. Malamig ang ekspresyon sa mukha ni Selena habang nananatili siyang tahimik. Noon, isang matinong lalaki si Ken. Tinuring pa nga niya ito bilang isang tunay na kaibigan. Ngunit, simula noong nagpunta ang taong ito sa kanilang bahay at binalak na sapilitan