Kabanata 1096

Huminahon si Lily at pinag-isipan niya ang tungkol dito. "Imposibleng malaman ni Nash ang tungkol dito. Kung may alam siya, sana may sinabi na siya sa meeting kanina, at baka hinampas niya pa ang mesa o baka kung ano pa ang nagawa niya. Mukha siyang masaya kanina at nakangiti siya sa buong meeting, kaya pusta ko hindi niya pa alam ang tungkol dito!" Umiling si Lily at nagmungkahi. Nakahinga ng maluwag si Wade noong marinig niya ang sinabi ni Lily. "Tama ka. Kung alam ni Nash ang tungkol dito, matagal na sana siyang sumabog sa galit. Isa pa, si Lancelot, bilang pinuno ng branch family, ay isang taong mahina ang loob. Sa tuwing pupuntahan ko siya para kunin ang resources sa kanya, lagi niya akong binabati ng may ngiti sa kanyang mukha at naghahanda pa siya ng masasarap na pagkain at wine para sakin. Hindi mangangahas na magsalita ang isang taong gaya niya maliban na lang kung gusto na niyang mamatay!" "Hmmm… Kung titingnan mo ang sitwasyon, sa tingin ko gusto lang ni Lancelot na mag