Kabanata 268

"Vera Quinn, ang kapal ng mukha mong pag-initan ako, p*ta ka?!" Nagwala si Meredith. Ang mahina at mahinhing panlabas na anyo sa video ay tuluyan nang nawala. Tumingin siya nang masama at nagkaskasan ang mga ngipin niya nang kumuha siya ng isang fruit knife sa lamesa. Balak niyang hiwaan sa mukha si Madeline. Sa isang banda, hindi siya pinipigilan ni Rose. Umaasa siya na matuturuan ni Meredith ng leksyon ang nakakairitang babaeng ito. Nang makita niya na palapit sa kanya ang kutsilyo, naalala ni Madeline ang dalawang hiwa na iniwan ni Meredith sa mukha niya noon. Bumalik ang pangyayaring ito sa isipan niya na parang isang bangungot. Kaagad siyang nahimasmasan at nagmadaling iwasan ang kutsilyo. "Wag ka nang magtago p*ta ka!" Nag-aalab ang apoy ng galit sa dibdib ni Meredith. Itinaas niya ulit ang fruit knife. "Sasabihin ko sa'yo Vera Quinn. Ganito ko sinira ang mukha ni Madeline noon. Kapag naglakas ng loob ka pa na banggain ako, ipapatikim ko sa'yo ang sakit na naranasan niya!