Kabanata 822 Daan Para Makatakas

Bilang resulta, apat na taong namalagi si Vickie sa kulungan. Sa loob ng kanyang puso, nakaramdam siya ng pang-uuyam. Tinignan niya si Gregory saka nagtanong, “Naniniwala ka ba talagang tinulak ko siya?” Malamig at matigas ang ekspresyon ni Gregory. “Nasa harapan na natin ang mga ebidensya.” Mula sa kung saan, nagsimulang tumawa si Vickie. Sarkastiko at malungkot ang kanyang halakhak habang namumutla sa kanyang kinauupuan. Sumagot siya nang mahina, “Apat na taon ang nakararaan, hindi ka naniwala sa akin. Akala ko, pagkatapos ng apat na taon, napagtanto mo na ang mali mo kaya pinilit mo akong manatili rito para magsimula tayo o kaya para matanggap kita.” “Pero, ang tanga ko pa rin. Kahit gaano pala katagal, hindi talaga maniniwala sa iyo ang mga taong minsang hindi naniwala sa iyo.” “Gregory Graha. Hindi ako galit sa iyo. Hindi talaga. Natatawa lang ako dahil hindi mo makita ang mga bagay na nakikita ng iba.” Tumigil siya sa pagsasalita na para bang naubusan na siya ng lakas.