Kabanata 74 Magdala ng Kahihiyan sa Sarili

Naglabas si Nell ng isang ekpresyon na tila ba may napagtanto siya. “Oh, alam mo rin pala ang role na ito!” Ugh! Paano namang hindi niya malalaman ang tungkol sa role na ito gayong isang buwan ang ginugol niya pero wala pa ring naging bunga? Subalit, tinuloy lamang ni Nell ang kanyang pagpapanggap at wala nang magawa si Celine tungkol doon. Huminga nang malalim si Celine at saka nagsalita nang mahimok, “Kailangan ng magaling na pag-arte sa role na ito. Wala sa mga baguhang artista na hawak mo ang may kaya no’n, alam mo iyan higit sa akin. Bakit mo ipapahiya ang sarili mo?” Ngumiti si Nell. “Malalaman na lang natin kung pinapahiya ko ang sarili ko pagkatapos, hindi ba?” Huminto siya at lumingon kay Celine. May pagkutya sa mga mata nito. “Pero narinig ko ngang may isang taong sumubok pero nabigo kahit ang dami niyang ginugol na oras. Hindi ba mas nakakahiyang nagpupumilit pa siya hanggang ngayon, ano sa tingin mo?” “Ikaw!” Hindi na napigilan ni Celine at umasim ang kanyang mukh