Kabanata 721 Illegal Na Mga Transaksyon

Nagpaliwanag si Karen, “Tradisyon ito ng pamilya namin, maggagantsilyo ka ng bracelet sa tuwing kaarawan mo bilang simbolo ng biyaya.” Hindi mapigilang mapatingin ni Nell at mapangiti, “Ang ganda talaga, marunong ba ang lahat ng mga taga-dito ng ganyan?” Nanigas si Karen at napailing siya. “Hindi. Hindi sila marunong.” “Huh?” Nagulantang si Nell at Nancy. Hindi sila makapaniwala. Sa pagkakataong iyon, bumalik si Fred. Yumuko si Karen at tinapos niya ang usapan kanina. Napansin ni Fred na nakaupo silang tatlo kaya tinanong niya ang mga ito, “Anong pinag-uusapan niyo?” Nagpalitan ng tingin si Nell at Nancy saka ngumiti, “Wala naman, nagalingan lang kami sa doktor kanina. Sumasakit kasi ang binti ni Nancy pero nang gamutin niya ito, nawala na ang sakit!” Habang nagsasalita si Nell, nanginginig ang mga daliri ni Karen. Subalit, hindi ito umimik. Ngumiti si Fred matapos itong marinig. “Syempre naman, sa kanya pumupunta ang lahat ng mga taga-rito. Malaki man o maliit ang pinsala