Kabanata 718 Mga Haka-Haka

Hindi masyadong malaki at medyo luma na rin ang bahay. Kahit ang mga kumot nila ay punit-punit na rin. Pero kumpara sa bahay ni Flora, ilang daang beses na mas maayos ito. Maingat na sinara ni Nancy ang pinto saka niya dinikit ang kanyang tainga sa tapat ng pinto. Matapos makumpirma na tahimik na sa labas at nakababa na ang dalawa, bumuntong hininag siya saka hinatak si Nell sa kama at umupo. “Patingin nga. Ayos ka ba? Talagang tinakot mo ako! May ideya ka ba kung gaano kalaki ang pag-aalala ko nang makita kong wala ka sa tabi ko?” Sambit ni Nancy habang paulit-ulit na naglalakad. Napatigil muna si Nell saka tumayo, “Ayos lang talaga ako. Mas nag-aalala ako sa iyo. Narinig kong nasaktan ang binti mo. Kumusta ang pakiramdam mo? Seryoso ba ang natamo mo?” Nang lumakad si Nell kanina, napansin niyang ika-ika si Nancy at namamaga ang binti nito. Agad na siniguro ni Nancy si Nell, “Ayos lang ako. Natisod lang ako papunta rito. Nabalutan ko na ito ng tela at tinulunag na rin ako ng i