Kabanata 696 Maglibot Sa Buong Mundo

Samantala, sa kabilang banda, napairap si Joel saka sumandala habang tumatawa. “Pa, Ma… Nanalo ba kayo sa lotto?” Nagtaka ang dalawa saka nagtanong, “Anong ibig mong sabihin? Anong lotto?” Ngumiti si Joel nang mapang-asar. “Heh. Bakit kayo magkayakap na para bang nanalo kayo ng jackpot? Para bang natatakot kayong tumakbo palayo ang isa’t isa! Tsk, kakaiba talaga kayo ngayon.” Hindi umimik si Xavier at Natalie. Nagpalitan lamang sila ng tingin. Umubo si Xavier saka tinitigan nang masama ang kanyang anak. “Anong sinasabi mo? Nanonood lang kami ng TV.” Tumango si Joel nang maloko. “Oh, nanonood pala kayo ng TV, pero bakit kailnagang mahigpit ang yakap.” Hindi na makapagpigil si Natalie kaya tinapunan niya ng unan ang kanyang anaj. “Ang dami mong satsat! Maghugas ka na ng kamay! Hindi dapat nakikialam ang mga bata sa matatanda!” Sinalo ni Joel ang unan at alam niyang nairita na ang kanyang ina, kaya hindi na siya sumagot pa. Agad siyang ngumiti at saka sinabing, “Oo na, ito na.” S