Kabanata 628 Alaala Ng Nakaraan

Natigilan si Lucy nang bahagya. Nang makabalik siya sa kayang sarili, napatango siya. “Sige lang.” “Kung mas nauna mo akong makilala, ako ba ang magugustuhan mo sa halip na siya?” Napahinto ang buong pagkatao ni Lucy. Hindi niya inisip ang posibilidad na maging karelasyon si Simon Wilburn. Alam niya lang na masyadong maraming ‘paano kaya’ sa mundo. Tadhana ang nagsasama sa dalawang tao; tadhana rin ang naghihiwalay sa kanila. Madalas, inaakala nating aabot pa sa kasal ang dalawang magkasintahan. Pero ang hindi napagtatanto ng lahat, naisulat na ng langit ang tadhana. At hindi natin alam kung gaano katagal ang kasiyahang iyon. Bakit pa kailangang pag-usapan ang mga ‘paano kaya’? Napaisip si Lucy sa loob ng ilang sandali. Hindi naman siya minadali ni Simon. Tahimik niyang hinintay ang sagot ng babae. Mamaya-maya, banayad na sumagot si Lucy, “Nagkakilala kami noong tatlong taong gulang pa lang ako.” Natigilan si Simon. Tinitigan niya si Lucy at nakita niya sa liwanag ng mga m