Kabanata 178 Keyboard o Durian

Soundproof ang salamin ng bintana at dahil hindi nila maaasahan ang pagbabago sa panahon, lagi itong nakasara upang makontrol ang lamig at init sa loob ng kwarto. Dahil hindi ito bukas, hindi marinig ni Nell ang binabanggit ni Gideon. Sinusubukan niya lamang itong hulaan gamit ang pagbasa sa galaw ng bibig nito. Keyboard o durian. Kahit ano naman ang piliin ni Nell, gagawin ito ng lalaki! Dahil siya ang nagkasala, handa siyang bumawi! Pinahalagahan naman ni Nell ang pagsisikap nito. Sa halip na maging mapagmataas gaya ng nakasanayan niya. Para siyang isang bata na humihingi ng patawad sa magulang. Hinahatak ng senaryong ito ang puso ni Nell. Hindi siya sigurado kung anong klase ng emosyon ang nararamdaman niya pero mahirap itong ipaliwanag. May bumabalot talagang init sa kanyang mga mata na siyang dahilan para magsimula siyang maluha. Inangat niya ang kanyang ulo at kumurap na tila ba nilalabanan ang pag-iyak. Ganoon pa man, hindi niya mapigilan ang pagbasak nito sa kanyang pis