Kabanata 559

Hindi nakita ni Tang Ruochu si Lu Shijin nang siya ay makauwi. Tinanong niya si Auntie Wu, na siyang nagsabi na hindi pa nakauwi si Shijin simula kagabi pa. Nagdadalawang isip siya kung tatawagan niya si Shijin, ngunit agad siyang nakatulog pagkatapos maligo at nakalimutan na ang tungkol dito. Nakatulog siya ng mahimbing dahil sa sobrang pagod. Kaya naman, hindi niya napansin na may humiga sa tabi niya. Nagising si Tang Ruochu dahil sa gutom. Mabagal niyang binuksan ang kanyang mga mata at tumitig sa kisame ng mahabang saglit, may bahid ng pagkalito sa kanyang inaantok na mga mata. Nang makabalik na siya sa sarili, tumayo siya mula sa kama. Biglang may naramdaman siya na nakahawak sa baywang niya. Nagulat siya, lumingon at nakita niya ang gwapong mukha ng asawa niya. Hindi niya napigilan na tumawa. “Si Shijin pala ito.” Pagkatapos alisin ang kamay mula sa baywang niya, dumirecho siya ng upo at sumandal sa frame ng kama habang sinuri niya ng malambing ang mukha ni Shijin. Pagod