Kabanata 442

Inangat niya ang kumot at bumangon siya sa kama. Umupo din si Lu Shijin, na nagising dahil sa ingay. Nagsalubong ang kanyang kilay nang makita niya na natataranta si Tang Ruochu. "Anong nangyari?" "Umamin ang mga magulang ni Anyi na sila ang may sala." Nagmadaling pumasok sa banyo si Tang Ruochu. Umamin sila?! Lalong nagsalubong ang mga kilay ni Lu Shijin. May bahid ng pagiging seryoso sa malungkot niyang ekspresyon. Hindi niya inasahan na kikilos agad si Yang Qianqian. Tila masyado niya siyang minaliit. Nagmadaling pumunta sa tahanan ng mga Song sila Lu Shijin at Tang Ruochu. Si Shen Mofei ang nagbukas ng pinto. "Nasaan si Anyi?" Nag-aalalang nagtanong si Tang Ruochu. "Nasa loob siya." Tumingin sa kanya si Tang Ruochu at pagkatapos ay nagmadali siyang pumasok. Nakaupo sa sofa sa may sala si Song Anyi. Walang ekspresyon ang kanyang mukha at, blanko at walang buhay ang kanyang mga mata. Tila masama ang kalagayan niya ngayon. Lumapit siya kay Song Anyo at umupo siy