Kabanata 817

“Didiretsuhin na kita, Ginoong Severe. Si Angeline ang babae na ako, si Cole Yorks, ay nagugustuhan. Ilalayo ko siya sa Swallow City kapag tapos na ako sa mga gawain ko. Bago ‘yon, gusto kong siguraduhin mong walang mananakit sa kaniya. Kung may mangyayari sa kaniya, sisiguraduhin kong walang mamamatay sa Pamilya Severe nang dahil sa katandaan.” Nanggigil si Cole, ang kaniyang malinaw at malakas na boses ay may balot ng kalamigan. Ang kaniyang boses ay tila hindi pagalit o seryoso, ngunit nagawa nitong takutin sila na para bang isang demonyo ang naroon upang kumitil ng buhay ng isang tao. “Syempre, kung maganda ang trato mo sa Angeline ko, magiging patas din ako sa Pamilya Severe. Kayamanan o kasikatan, kaya ko ‘yong ibigay sa inyo.” Hindi alam ni George kung sino si Cole, ngunit noong makita niya ang pagmamalaki nito, napagpasyahan niyang ‘wag itong hamunin. “Ginoong Yorks, pumasok ka at magtsaa.” Gusto niyang kilalanin pa si Cole. Tumingin nang masama si Angeline kay Cole at tahimik