Kabanata 4

Napatigil si Alex at hindi niya inasahang magpapakita siya. "Bakit ka nandito?" Tumingin si Lady Dorothy kay Chloe, pagkatapos kay Alex, na may kalungkutan sa kanyang mga mata at sinabi, "Nag-deposito na ako ng kalahating milyong dolyar sa account mo, iyon lang ang kaya kong gawin." Nagulat si Alex, “Saan mo nakuha ang pera? Galing ba ito kay Spark? Dorothy, hindi mo pwedeng tanggapin ang pera. Anong mangyayari sa atin pagkatapos mong kunin ang kanyang pera? At saka, meron akong pera, higit pa sa naiisip mo. Kaya kong ayusin ang problema mo.” Pak! Sinampal ni Dorothy si Alex at sinabi, "Hindi ba pa sapat para sa iyo ang sampung buwan kang nananaginip nang gising? Pwede mo bang itigil ang kalokohanng ito? Kalimutan mo na iyan at gawin mo ang gusto mo. Bukas, maghihiwalay na tayo!” Matapos siyang magsalita, lumingon si Dorothy at biglang umalis sa ospital. Sinubukan siyang habulin ni Alex ngunit pinigilan siya ni Chloe. May masamang ngiti sa kanyang mukha. “Naku, anong nangyayari dito? Bakit nadamay ang pinsan mong si Spark? Hindi kaya gusto ni Dorothy na tulungan ka at nagpasyang kumita ng pera sa pagsama kay Spark ng isang gani? Naku, talagang nakakatawa ito!” Sinampal ni Alex si Chloe. "Papatayin kita kung patuloy kang sasatsat!" "Ang kapal mong sampalin ako!" Sabi ni Chloe habang sumugod siya kay Alex. Nakita ng head nurse ang nangyayari at sumugod para pigilan si Chloe. "Anong ginagawa ninyong dalawa? Maghunos-dili ka, Chloe. Nakikipag-away sa ospital na ito? Gusto mo bang tanggalin kita?" Matapos pagalitan ng head nurse, natauhan si Chloe, tinuro niya si Alex at sinabi, “Sinampal ako ng bastardong ito! Bakit hindi ako pwedeng gumanti?" Kilala ng head nurse si Alex. Tinanong niya, "Bakit mo siya sinaktan?" Tinuro ni Alex ang kanyang ina at malamig na sinabi, "Iniwan niya ang aking ina dito na parang isang basura, at naglakas-loob kang tanungin ka kung bakit? Walang dahilan para iwanan niya ang aking ina dito! Tao siya, hindi basura. Alam ko na wala nang pera sa payment account ko, ngunit hindi ibig sabihin ay hindi ko na kayang magbayad pa." Napansin agad ng head nurse na naiwan sa corridor si Lady Brittany. Galit na galit siya at sumigaw. "Anong ginagawa mo, Chloe? Sino ang nagbigay sa iyo ng authority na gawin ito? Humingi ka ng tawad kay Mr. Alex at ibalik mo agad ang pasyente sa ward.” Hindi naglakas-loob si Chloe na kalabanin ang head nurse, kaya masunurin lamang siyang humihingi ng tawad at ibinalik si Lady Brittany sa kanyang ward. Pagkatapos ay hinanap ni Alex primary physician ng kanyang ina para ayusin ang operasyon sa lalong madaling panahon. Ang primary doctor ni Lady Brittany ay si Dr. Cheryl at dalawampu't anim na taong gulang lamang siya. Gayunpaman, isa na siyang sikat na doktor na may magandang track record. Apo siya ng kilalang henyo ng California na si Dr. James Coney. Hindi lang siya matalino, may hitsura din siyang kayang paluhurin ang lahat. Balisa si Alex at nag-aalala hindi lamang sa kalagayan ng kanyang ina, kundi pati na rin sa mga gulong kinakaharap ni Dorothy. Nang walang pag-iisip, sumugod siya sa opisina ni Dr. Cheryl nang hindi kumatok at laking gulat niya nang makita ang isang magandang babaeng may balat na kasing puti ni Snow White na nagbibihis. Nabihag siya sa kanyang hourglass figure. Nagkita ang kanilang mga mata sa tatlong buong segundo bago tumili ang babae. Mabilis niyang tinakpan ang kanyang katawan ng kanyang medical gown. "Sorry, Dr. Cheryl! Sinusumpa ko, hindi ko ito sinasadya. Hindi ako mamboboso." Walang tigil si Alex sa paghingi ng paumanhin. Dali-dali siyang tumalikod at sinara ang pinto. Ang magandang babae ay si Doctor Cheryl Coney, ang primary physician ng kanyang ina. Nagbibihis siya habang naghahanda na para umuwi. Habang nakasandal sa may pintuan, tinapik ni Alex ang dibdib at hiningal. Hindi maalis sa kanyang isipan ang eksenang kanyang nakita ngayon lang, bulong niya sa sarili, "Napakagandang pigura..." Biglang bumukas ang pinto at muntik nang bumagsak si Alex sa sahig. Pagkatapos ay nakita niya ang nakakaakit na mukha ni Dr. Cheryl na nakatitig sa kanya. "Anong sasabihin mo?" Tanong ni Dr. Cheryl. "Ah, iyon..." Natulala si Alex. Hindi niya matandaan kung anong mahalagang bagay ang pakay niya kay Dr. Cheryl. “Dr. Cheryl, sasabihin ko dapat na ang tangang nurse na si Chloe ay iniwan ang aking ina sa pasilyo. Kung may nangyari man sa aking ina, gusto kong bayaran niya ako ng kanyang buhay.” Sa salitang iyon, nagtagumpay siyang makuha ang atensyon ni Dr. Cheryl. Nagulat siya at sinabi, "Nangyari iyan?" Mabilis siyang tumakbo papunta sa ward at nakita si Lady Brittany na dinadala pabalik sa ward. Agad niyang sinigawan si Nurse Chloe. Sa buong insidente, nanatiling mababa ang ulo ni Chloe at hindi siya naglakas-loob na magsalita pa. Pagkatapos, tiningnan ni Dr. Cheryl ang kalagayan ni Lady Brittany at sinabi kay Alex, "Tungkol sa kalagayan ng iyong ina, nire-rekomenda kong operahan na siya sa lalong madaling panahon. May pera ka ba? Kung nahihirapan ka, pwede kitang pahiramin." "Ah, hindi mo na kailangang gawin iyon. May pera ako. Salamat, Dr Cheryl." Hindi inasahan ni Alex na magiging mabait si Dr. Cheryl para gawin iyon. Hindi maliit na halaga ang kalahating milyong dolyar, kahit sa isang sikat na doktor na tulad niya. Narinig ni Chloe ang usapan at nagulat din saka inisip sa kanyang sarili, “Inalok niya na magpahiram ng pera sa basurang ito, anong nakikita niya sa kanya?" Sagot ni Dr. Cheryl, "Magaling! Natutuwa akong marinig iyan. Aayusin ko agad ang operasyon ng iyong ina bukas ng umaga." "Salamat!" Magalang na sinabi ni Alex. "Sundan mo ako, pag-usapan natin ang ilang mga detalye para makapaghanda sa operasyon bukas." Sinabi ni Dr. Cheryl kay Alex at pareho silang umalis sa ward. Patuloy siyang bumulong, karamihan ay tungkol sa mga paghahanda na kinakailangan bago at pagkatapos ng operasyon, pag-aayos ng oras at sa wakas ay sinabi niya, "Pumunta ka sana dito nang maaga bukas. Wala kang dapat ipag-alala. Ako mismo ang gagawa ng operasyon. Napakataas ng success rate! Bukod dito...” Nakinig nang mabuti si Alex. Biglang bumulong sa kanyang tainga si Dr. Cheryl, “Kalimutan mo ang imaheng nakita mo sa opisina ko! O pagbabayarin kita!" Tumango agad si Alex at agad na siniguradong sa pagitan lamang nila ang bagay na iyon. "Umalis kana !" Sabi ni Dr. Cheryl. Pinanood ni Dr. Cheryl si Alex nabumalik sa ward ng kanyang ina, at napabuntong hininga siya. Siyempre, hindi siya nahulog sa kanya, ngunit lubos siyang naantig sa kanyang labis na pagmamahal sa kanyang ina. Sa nagdaang sampung buwan, binisita ni Alex ang kanyang ina bawat araw nang hindi nabigo. Alam niyang kakaunti lang ang kayang gawin ito. Hindi nagtagal, tumakbo si Alex sa payment counter para magbigay ng paunang bayad na isang milyong dolyar sa ospital para sa medical expenses ng kanyang ina. Walang naging problema sa transaksyon. Hindi makapaniwala si Alex nang kunin niya ang ATM card. At dahil doon, malaki ang pinagbago ulit ng kanyang buhay. Isa siyang master ulit. Sa pagkakataong ito, mas mayaman pa siya kaysa dati. “Spark, maghintay ka lang. Ang kapal ng mukha mo para pag-isipan nang ganoon ang asawa ko! Hindi ako maaawa sa iyo!" Habang iniisip niya si Spark, naalala niyang binigyan siya ni Dorothy ng pera para sa mga medical expenses ng kanyang ina. Kinuha niya ang pera ni Spark, ang kasuklam-suklam na si Spark! Sinasamantala ba niya ang pagkakataon na makatabi siya sa kama? “Punyeta!” Napuno siya ng galit sa pagiisip nito. Mabilis niyang tinawagan si Dorothy ngunit naka-off ang kanyang mobile phone. Pakiramdam niya ay may mali. Agad niyang tinawagan si Madame Claire, "Mom, nakauwi na ba si Dorothy?" Galit na galit si Madame Claire nang marinig ang boses niya. “Hindi mo na dapat pakialaman pa si Dorothy! Ang lakas pa rin ng loob mong tawagan ako? Huwag mo na kaming hanapin ulit kailanman anumang mangyari." “Mom, hindi mo dapat hahayaang magsama sina Dorothy at Spark. Ako nang bahala sa problema sa pera pati na rin sa Thousand Miles Conglomerate. Iwan mo na sana ang mga ito sa akin!" "Huwag kang gumawa ng mga nakakatawang pangako!" Galit na sinabi ni Madame Claire, "Kung kaya mong ayusin ang mga problemang ito, pwede nang lumipad ang mga baboy. Lilinawin ko sa iyo, si Spark ang son-in-law ko, magsasama sina Dorothy at Spark ngayong gabi. Isa ka lamang cuckold.” Click! Pakiramdam ni Alex ay parang sasabog ang utak niya nang marinig ito. Tuliro siya na para bang umiikot ang mundo sa ilalim ng kanyang mga paa. Binaba na ni Madame Claire ang phone. Naramdaman ni Alex na wala na ang kanyang kaluluwa. Bagaman mayaman siya ulit, walang kahulugan ang lahat kung wala si Dorothy sa kanya.