Kabanata 4

“Anim na minuto na lang ang natitira. Paalisin niyo na ang mga tao dito. Huwag na kayong magtangka pa na maningil ng bayad!” Tumingin ng masama si Fane sa mga natitirang tao sa lugar. Kahit na malakas din sila, wala silang kwenta kumpara kay Black Dragon. Walang sinuman sa kanila ang nagtangkang tumingin sa mga mata ni Fane. “Umalis na kayong lahat!” Agad silang nagsisigaw para paalisin ang mga panauhin sa lugar. Halatang natakot ang iba pang mga panauhin sa mga pangyayari at kumaripas sila ng takbo sa takot na baka matulad sila kay Black Dragon. Hindi nila nakita kung paano namatay si Black Dragon. Para bang may kababalaghang nangyari. Wala pang isang minuto, wala nang mga panauhin sa bathhouse maliban sa kanila Fane. Isang kaakit-akit na tagapagsilbing babae ang dahan-dahang lumapit sa kanila Fane pagkatapos itong senyasan ng mga bouncer at nanginginig na nagtanong, “Sir, w-w-wala nang mga panauhin sa lugar. Paano namin kayo mapagsisilbihan?” “Kumuha ka ng mamahaling damit at masasarap na pagkain para sa anak ko. Kung hindi, huwag ka nang umasa na makakalabas ka pa dito ng buhay!” Dinala ni Fane si Kylie sa loob ng bathhouse, dahilan para mamutla ang mga tagapagsilbi at bouncer ng bathhouse. “Masusunod sir. Huwag kayong mag-alala, ihahanda na namin ang lahat!” Agad na nahimasmasan ang tagapagsilbi at yumuko. Dinala ni Fane sa paliguan si Kylie at hinubad ang maduming damit ng bata. May makikitang mga peklat sa balat ng kanyang anak. Kumibot ang mga labi ni Fane. Nahalata ni Fane ang nararamdamang takot ni Kylie. “Natakot ka ba kay daddy Kylie?” Ngumiti si Fane kay Kylie, halos maluha siya habang tinitingnan ang kanyang anak. “Ang galing mo daddy, kaso nakakatakot ka din!” Nagtakip ng mukha si Kylie, pagkatapos ay dahan-dahang sinilip ang kanyang ama. “Nakakatakot?” Napahinto si Fane. Apat na taong gulang pa lang si Kylie. Wala pang kamuwang-muwang ang anak niya, pero nagawa pa rin niyang manakit at pumatay sa harap mismo ng bata. Para kay Fane, walang pinagkaiba ang pagpatay sa isang tao at ang pagkain o pag-inom. Subalit, para kay Kylie, ito ay... “Sige. Mula ngayon, hindi na magiging nakakatakot si daddy. Pero, masasamang tao yung mga yun at dapat lang silang parusahan!” Dahan-dahang binanlawan ni Fane si Kylie. “Mula ngayon, sisiguraduhin ko na magiging maayos ang buhay mo at ng nanay mo. Magiging maayos ang buhay mo Kylie, gaya ng ibang mga bata!” Tila naguguluhan ang batang babae. Napangiti si Shauna habang pinapanood ang mag-ama. “Master, gusto mo bang tawagan si Miss Selena? Siguradong matutuwa siya kapag nalaman niyang nakabalik ka na!” “Hindi na kailangan. Pupuntahan din naman natin siya!” “Shauna, mula ngayon, ipagpapatuloy mo ang pag-aalaga at pagsisilbi kay Selena at Kylie. Huwag kang mag-alala, hindi ko titipirin ang sahod mo!” “Oo nga pala, ang dinig ko malaki ang pensyon ng mga retiradong sundalo. Sabi sa mga balita nasa sampu hanggang dalawampung libo ang pinakamababa. Gaano ba kalaki ang nakuha mong pensyon master?” Biglang may naisip si Shauna at tumawa. “Malapit ako kay Miss Selena. Masaya akong alagaan si Miss Selena. Yung sahod naman, ayos na ako basta sapat yung sahod ko para mabuhay!” “Hehe. Huwag kang mag-alala, ayos naman ang ipapasahod ko sa’yo!” Tinawanan lang ito ni Fane. Balewala sa kanya ang pera. Kaya niyang palitan ang pinakamayamang tao sa Middle Province kung gugustuhin niya. Napaisip si Shauna at muling nagsalita. "Oo nga pala, Master Fane, Taylor ang apelyido ni Kylie. Alam ng mga biyenan mo ang dati mong katayuan at inisip nila na patay ka na…" "Oh…" Ang sagot ni Fane. "Ayos lang yun. Anak namin siya ni Selena!" Nagmamadaling dinala ng tagapagsilbing babae ang masasarap na pagkain at ang isang princess-styled na kasuotan para kay Kylie. Inilapag niya ito sa isang tabi at dahan-dahan na lumabas ng silid. Maririnig ang pagkalam ng sikmura ni Kylie dahil sa sobrang gutom. Pagkatapos niyang maligo, tahimik na kumain si Kylie. Dahan-dahan na hinipo ni Fane ang mukha ni Kylie habang pinapanood niya ito na lamunin ang kanyang pagkain, at sinabing, "Pasaway kang bata ka. Dahan-dahan sa pagkain! Pagkatapos mo, pupuntahan natin ang mommy mo!" Pagkatapis kumain ni Kylie, dinampot niya ang natirang dalawang hiwa ng cake. "Daddy, gu-gusto kong iuwi 'to kay mommy at lola!" Tumingin siya kay Fane at nagtanong, "Pwede ba?" Hindi makapagsalita si Fane. Tila natakot sa kanya si Kylie dahil sa mga naging laban niya kanina. "Syempre naman! Kung yan ang magpapasaya sa'yo!" Muling kinarga ni Fane si Kylie at naghanda na sila para umalis. Subalit, bago pa man sila makarating sa pinto, huminto ang isang Audi sa tapat mismo ng bathhouse. Bumaba ang isang lalaking kalbo mula sa nakaparadang sasakyan. Nakakatakot ang mukha ng lalaki at kapansin-pansin ang malaking peklat sa kanyang mukha. Napakatalim ng kanyang mga titig. Hindi mapigilan ng isa sa mga tagapagsilbi na bumulong. "Ayos 'to. Nandito na ang pinakamalakas na tauhan ng pamilyang Clark. Hahaha, tapos kang bata ka!" "Tama yun. Galit na galit si Master Clark nung malaman niya yung nangyari kaya pinadala niya si Dan Jameson para lumpuhin yung batang yun." Ang bulong ng isang guwardiya habang pinapanood ang mga pangyayari sa isang sulok. "Nasaan siya?" Lumapit si Dan kay Fane pagkatapos niyang magtanung-tanong. "Mukhang malakas ka bata. Lalo na't nagawang mong patayin si Black Dragon!" "Pero, dito na nagtatapos ang maliligayang araw mo!" Ang sabi ni Dan habang nanlalaki ang kanyang mga mata. "Kung gugustuhin ko, kaya kitang patayin sa loob lang ng tatlong segundo!" Tumingin si Fane sa kanyang kalaban at pagkatapos ay tumingin siya kay Kylie. "Pero, kasama ko ang anak ko. Ayaw ko siyang takutin. Bakit hindi na lang tayo magbunong-braso?" "Bunong-braso?" Nagulat si Dan. "Tingin mo ba nagpunta ako dito para makipaglaro sa'yo?" "Hehe, syempre alam kong hindi ka makikipaglaro. Kasasabi mo lang na gusto akong lumpuhin ng amo mo, di ba?" "Ganito na lang. Kapag nanalo ka, ako mismo ang lulumpo sa sarili ko!" "Pero kapag natalo ka, puputulin mo ang isa sa mga daliri mo!" Humalakhak si Fane. Dahil sa mga naranasang pagpatay ni Fane, sa isang tingin lang, alam na niya agad na napakabagsik ng kanyang kalaban. "Nakakatuwa ka bata!" Ngumiti si Dan at naglakad papunta sa isang mesa. "Tara dito bata. Tutal gusto mong maglaro, makikipaglaro ako sa'yo!" "Shauna, hawakan mo muna si Kylie!" Iniabot ni Fane si Kylie kay Shauna. Agad na nagsalikop ang mga kamay ni Dan at Fane. "Simulan na!" Ang sigaw ng mga guwardiya. "Gustong makipagbunong-braso ng batang 'to kay Dan? Hindi ba niya alam kung gaano kalakas si Dan?" "Tama. Kayang patayin ni Dan ang isang baka sa isang suntok lang!" Nanunuod ang ilang malalaking tao sa laban ni Fane at Dan. Kapag natalo si Fane at hindi siya sumunod sa pustahan, siguradong pagbabayarin siya ng malaki ni Dan. “Argh!” Ibinuhos ni Dan ang buong lakas niya, ngunit hindi man lang natinag ang braso ni Fane. "I-I-Imposible 'to!" Huminga siya ng malalim. Kasunod nito, ngumisi si Fane at natalo si Dan sa laban. "Sa tingin ko hindi mo maitatanggi na natalo ka. Isang daliri. Ikaw na bahala kung anong daliri ang puputulin mo!" Muling kinarga ni Fane si Kylie at umalis. "Sino ba siya? Napakalakas niya!" Ang sinabi ni Dan. Hindi pa rin siya makapaniwala sa nangyari. "Brother Dan, wala ka naman talagang balak na putulin yung isang daliri mo, di ba?" ang tanong ng isang lalaki na lumapit kay Dan. Napalunok na lamang siya habang nakatingin sa kawalan.