Kabanata 3

“Nababaliw ka na ba Fane? Baka nakakalimutan mo kung sino ka talaga? Isa ka lang delivery boy na ipinakasal sa pinsan ko. Huwag mong isipin na dahil lang naging sundalo ka ng ilang taon ay pwede mo na akong paglaruan!” Nanggigigil si Ivan habang sinusubukan niyang tumayo. Bang! Nagliparan ang alikabok nang muli siyang sinipa ni Fane at idiniin siya sa lupa. “Hindi ko na uulitin ang mga sinabi ko!” Madiing tinapakan ni Fane ang kamay ni Ivan. “Ahhh!” Napahiyaw si Ivan. Pakiramdam niya ay dinudurog ang kanyang mga buto. “Bwisit…” Hindi makapagsalita si Ivan nang makita niya ang kawalan ng awa sa mga mata ni Fane. “Kakainin mo ba yan o hindi? Kung hindi mo yan kakainin, papatayin kita!” Galit na galit na nagsalita si Fane. “K-k-kakainin ko. Kakainin ko na!” Sa pagkakataong ito, takot na takot si Ivan kay Fane. Kahit na ayaw niyang gawin, walang magawa si Ivan kundi kainin ang maruruming tinapay. “Salamat sa pag-aalala mo kay Kylie. Nandyan ba si Selena?” Lumapit si Fane sa kasambahay, naaalala niya na si Shauna ay dating malapit na tagapagsilbi ni Selena. “Itinakwil ng pamilyang Taylor si Miss Selena. Tutol sila sa desisyon ni Miss Selena na ipagpatuloy ang pagbubuntis niya kay Kylie, dahil dun…” Napaluha si Shauna habang inaalala niya ang mga nangyari. “Tara. Dalhin mo ako sa kanya!” Kinarga ni Fane si Kylie. “Wala nang mananakit pa sayo Kylie!” “Ate, s-s-sino siya?” Bakas pa rin ang takot sa mukha ni Kylie dahil sa mga pangyayari kanina. “Siya ang tatay mo Kylie. Dali, tawagin mo ang daddy mo. Buhay siya. Nagbalik na siya!” Naluha si Shauna habang pinapaliwanag niya ang lahat sa bata. Sa nakalipas na limang taon, naging napakahirap ng buhay ni Selena. “I-i-ikaw ba talaga ang daddy ko?” Nagningning ang mga mata ni Kylie sa kanyang narinig. “Sabi nila patay na ang daddy ko. Ikaw ba talaga ang daddy ko? Sabi ni mommy siguradong buhay pa ang daddy ko. Sabi ni mommy, kapag nakabalik na si daddy, hindi na namin kailangan pang mamulot ng basura!” Agad na napaluha si Fane. Sa kabila ng seven-foot niyang height at ang pagiging nag-iisang Supreme Warrior ng Daxia, hindi niya napigilan na maluha sa kanyang narinig. “Mag-isip kang mabuti Shauna. Kapag sumunod ka sa kanya, tanggal ka na sa trabaho. Siguradong alam mo kung gaano karaming tao ang naghahangad na maging tagapagsilbi ng pamilyang Taylor!” Ang sinigaw ni Ivan pagkatapos niyang kainin ang mga tinapay. “Puro ka kalokohan!” Tumalsik siya ng malayo nang muli siyang sipain ni Fane. Sumuka ng dugo si Ivan at nawalan ng malay dahil dito. “Dapat lang yan sa kanya!” Ang sabi ni Kylie habang nasisiyahan siya sa kanyang nakita. “Ayaw ko nang magtrabaho pa para sa inyo. Tara na Master Fane, dadalhin kita kay Miss Selena!” Pinakalma ni Shauna ang kanyang sarili. Pagkatapos, tumingin siya kay Kylie at nagtanong, “Bakit hindi mo binabati ang daddy mo Kylie?” Nahihiyang yumuko si Kylie. Makalipas ang ilang sandali, sa wakas ay nagsalita na si Kylie, “Daddy…” “Mabuting bata. Andumi ng suot mo. Tara na, lilinisan kita at bibilhan kita ng malinis na damit!” Hinalikan ni Fane ang noo ni Kylie. Pakiramdam niya ay natunaw ang kanyang puso. Ito ang kanyang anak, ang sarili niyang dugo at laman. Agad-agad na dinala ni Fane sila Shauna at Kylie sa pinakamagandang bathhouse sa buong Middle Province. “Masyadong mahal dito master…” Ang bulong ni Shauna kay Fane. “Nararapat lang ito para sa anak ko!” Hindi lumilingon si Fane sa kahit saan. Nakatitig lang siyang maigi kay Kylie na karga niya sa kanyang mga braso. “Sir, naliligaw ba kayo? Hindi pwede ang mga pulubi sa lugar na ‘to!” Pagdating nila sa pinto, agad na bumungad sa kanila ang pang-iinsulto ng isang tagapagsilbi habang nakatingin ito sa gusgusing mukha ni Kylie. Halata sa mukha niya ang pandidiri. “Alam ko!” “Bibigyan kita ng 10 minuto!” Ang banta ni Fane. “10 minuto?” Naguluhan ang tagapagsilbi. “10 minuto para paalisin ang lahat ng tao dito. Kailangan kong paliguan ang pinakamamahal kong anak!” Natawa ang tagapagsilbi. “Nagbibiro ka ba sir? Libo-libong tao ang naliligo at pinagsisilbihan namin dito, hindi pa kasama dun ang iba pang mga serbisyong ibinibigay namin. Paaalisin ko lang ang mga tao dito para sa inyo kung meron kang dalang 80000!” Huminto saglit ang tagapagsilbi bago siya magsalita muli, “Sa itsura niyo pa lang, mukhang wala naman kayong ganun kalaking halaga! Higit pa dun, kahit na may 80000 ka pa, palagay mo ba pagsisilbihan namin ang isang pulubi?” Biglang nagbago ang ekspresyon ni Fane. Tila lumamig ang paligid. “Anong sabi mo?” “Napakadungis ng anak mo. Hindi ba siya pulubi?” Bang! Tumalsik ng malayo ang tagapagsilbi... “Bwisit ka, anong ginagawa mo? Alam mo ba kung anong lugar ‘to?” Tumayo ang tagapagsilbi at sumigaw. “May nanggugulo dito!” “Ano kamo? Hawak ng pamilyang Clark ang lugar na ‘to. Nababaliw na ba siya? Ang lakas naman ng loob niya na manggulo dito.” “Tama. Wala na tayong magagawa kung gusto niyang mapahamak!” Napailing ang ilang mga panauhin nang makita nila ang nangyari. Alam ng sinuman na karaniwang pinapatakbo ng mga makapangyarihang tao ang mga mamahaling bathhouse na gaya nito. Maaaring ang nagpapatakbo dito ay napakamakapangyarihan at maaaring magdulot ng matinding takot sa buong Middle Province. Hindi nagtagal, pumasok ang isang grupo ng mga kalalakihan. “Sino yung malakas ang loob na nanggugulo dito?” Ang sigaw ng isa sa mga lalaki. Isa siyang malaking tao. “Teritoryo ng pamilyang Clark ang lugar na ‘to. Napakatapang mo para manggulo dito!” ang sabi ng isa pang lalaki. “Hindi pulubi ang anak ko. Ayos lang na laitin niyo ako. Pero hindi ako papayag na may manlalait at mananakit sa anak ko!” Matindi ang pinagdaanang hirap ng anak niya sa nakalipas na mga taon. Nais lamang ni Fane na makabawi sa anak niya at kay Selena. “Ikaw? Ang lakas ng loob mo!” “Alam mo ba kung sino ako> Ako si Black Dragon ng Middle Province, heneral ng pamilyang Clark. Lumuhod ka at aminin mo ang ginawa mo, pagkatapos umalis ka na!” “Hindi namin pinagsisilbihan ang mga gusgusin at mga pulubi. Mukha naman talagang pulubi ang anak mo…” Nagmamalaking lumapit ang malaking lalaki. “Ano? Siya si Black Dragon? Naku, ang alam ko isa siyang mabagsik na mandirigma. Ang lahat ng tagumpay niya ay dahil sa mga napatay niya! Nagawa pa nga niyang pumatay ng higit sa isandaang tao at iligtas ang buhay ni Master Clark. Kalat ang kwentong yun sa lansangan!” Napaatras sa takot ang mga tao. Nakaramdam sila ng matinding takot at pangamba. “Gusto mong lumuhod ako sa harap mo?” Nagulat si Fane. “Ikinalulungkot ko na hindi pa pinapanganak ang taong makakapagpaluhod sakin. Nakalimutan ko na kung gaano karami na ang napatay kong tao!” “Ayos ‘to. Nagtatapang-tapangan ka pa. Hahaha, hindi ka pa pinapanganak nung nagsimula akong pumatay gamit ng espada ko!” Humalakhak ng malakas si Black Dragon. “Pasensya na bata. Alam ko kung ilan ang makapangyarihang tao dito sa Middle Province. Sigurado kong hindi ka kasama dun!” “Ngayong araw… Makikilala mo ako!” Kumislap ang isang matinding liwanag pagkatapos niyang magsalita. Bigla na lang bumagsak si Black Dragon. Nanatiling nakahandusay sa lupa si Black Dragon. Makikita ang pagkagulat sa kanyang mga mata at hindi na siya humihinga. Binalot ng katahimikan ang buong lugar. “Masama ito. P-p-patay na si Black Dragon!” Ang sigaw ng isa sa mga panauhin ng bathhouse na nakasaksi sa mga pangyayari.