Kabanata 152

Noong umalis na ang estudyanteng nasa harap ni Wanda, atsaka lamang niya napagtanto na si Carlisle pala ang nakahawak sa kamay niya. Dahil dito, namula ang mga pisngi niya at para bang gusto niyang itago ang mukha. Natawa si Carlisle sa eksenang ito. Binitawan na rin niya ang kamay ni Wanda, kinuha ang phone niya at lumakad palayo. May ilang mga lalaki mula Class 3B na nagbubulungan sa tabi. “Sino ‘yon? Ang kapal naman ng mukha niyang lumapit sa diyosa?” “Si Carlisle ‘yon, mula Class 3A. Yari talaga ‘yang lalaki na ‘yan!” Noong narinig ito ni Wanda, naalala niya ang mga nakainitan ni Carlisle na seniors kanina. Pinagbantaan pa nga nila si Carlisle na ‘wag umalis ng school pagtapos ng klase nila. Kita ang pag-aalala sa mukha ni Wanda kaya naman nagmessage agad siya kay Carlisle sa MSN messenger. Wanda: “Carlisle, uuwi ka na ba?” Carlisle: “Oo, bakit?” Wanda: “Baka gulpihin ka nila. ‘Wag ka munang umalis!” Carlisle: “Binigyan ko ng pera si Mike para ipagtanggol ako kung sakali, at nan