Kabanata 13

Sa Southlake Resort Island. Isang pribadong vacation spot ito na matatagpuan sa kanluran ng Seechertown at saklaw nito ang isang libong ektarya. Ang teritoryo nito ay napapalibutan ng likas na lawa at may isla sa gitna. May nai-invest na higit sa sampung bilyong dolyar sa pagpapagawa ng mga five-star hotel at iba't ibang pasyalan. Makikita rin dito ang iba't ibang uri ng mga eksotikong halaman, kaya't isa itong kilalang destinasyon sa bakasyon sa Seechertown. Sa araw na iyon, nireserve ni Blake ang buong resort island para sa mga bisita. Naging malaking event space ang resort matapos ang ilang araw ng dekorasyon. May mga nakahandang mesa at upuan na may mga bulaklak at iba't ibang klase ng pagkain at champagne. Nagpark si Wilbur sa labas ng Southlake at naglakad patungo sa isla. Sa unahan nito ay makikita ang mesa para sa check-in ng mga bisita at ang counter para sa pagtanggap ng mga regalo. Pumunta si Wilbur sa mesa at inilagay ang limang daang dolyar na inihanda niya. "Eto ang aking regalo." Ang mga tao sa mesa ay mga miyembro ng pamilya Willow. Isa sa kanila ay napansin si Wilbur at tumingin ng masama sa perang nasa mesa. "Grabe, wala ka na bang pera? Tingnan mo ang iba. Ang mga regalo nila ay nagkakahalaga ng higit sa sampung libong dolyar! Hindi ka ba naaawa na magbigay ng ganyang kaunti?" Tumawa si Wilbur at sinagot, "May limang milyong dolyar ako, pero ninakaw ito at hindi pa rin nila ako binabayaran hanggang ngayon. Kaya limandaan na lang ang dala ko ngayon." Sumimangot ng event supervisor nang marinig ang sinabi ni Wilbur at nagalit ito, "Pre! Gumagawa ka ba ng gulo dito?" Sumagot si Wilbur nang mariin, "Ako? Gumagawa ng gulo? Kayo naman ang laging may gulo sa pamilya Willow.." Ngumisi ng mapanuya ang supervisor, "Makinig ka, iho. Kung hindi dahil sa utos ni Mr. Woods at Ms. Yvonne, bubugbugin na kita." "Hindi ko pinaniniwalaan 'yan," sagot ni Wilbur na may kalmaduhang tono. Narinig ng ilang miyembro ng pamilya Willow sa tabi ng supervisor ang sinabi at muntik nang umatake ng pisikal. Ngunit pinigilan sila ng supervisor at sinabi, "Importante ang araw na ito para kay Ms. Yvonne. Hayaan na natin siya. Babalikan natin siya pagkatapos ng lahat ng ito." "Hanap ka na lang ng sarili mong lugar. Maraming pagkain at inumin. Gamitin mo na rin ang pera mo sa sarili mong kapakanan," panlalait niya. Dedma lang si Wilbur at naglakad nang may kumpiyansa. Samantala, tumawag ang supervisor kay Yvonne. Tumuloy si Wilbur sa sentro ng isla. Kumaha siya ng baso ng champagne bago siya maghanap ng lugar na mapapahingahan. Alas onse na ng umaga, at patuloy pa rin ang pagdating ng mga bisita. Ang ilan sa kanila ay mga taong may kapangyarihan, kaya't ipinahayag ng check-in table ang kanilang pagdating bilang pagpapakita ng paggalang at pagbibigay ng karangalan. Ang Woods Corporate ay kilala rin sa Seechertown, isa itong sa mga pinakamalaking negosyo sa lungsod. Ang mga bisita ngayong araw ay mga taong may mataas na posisyon sa lipunan. Sandali lang matapos umupo si Wilbur, lumapit agad sina Blake at Yvonne. Naka-suot ng deep black suit si Blake at maayos ang kanyang buhok. Habang si Yvonne naman ay naka-skintight white dress, nakangiti habang nakahawak sa braso ni Blake. Lumapit ang dalawa kay Wilbur, at ngumiti si Blake sabay sabi, "Hindi ko inaasahan na magpapakita ka." "Inimbitahan ako. Nandito ako para batiin kayong dalawa. Tutal, kasal kami noon ni Yvonne," sabi ni Wilbur. Sumingit si Yvonne, "Tama na ang nakakadiring salita mo. Inimbitahan kita para makita mo ang katotohanan ng katayuan mo. Para tumigil ka na sa pagpapantasya mo na maaaring maging tayo." "Hindi ko naman iyon naisip mula nung umalis ako sa mga Willow," sagot ni Wilbur. Nagbiro si Yvonne, "Mabuti naman. Dyan ka lang at panoorin mo kung ano ang mga taong may koneksyon, kapangyarihan, at presensya." “Manonood talaga ako. Hindi sana ako madismaya,” Ang sagot ni Wilbur habang nakangiti. Tumawa si Blake, "Huwag kang mag-alala, tiwala ka lang. Pangarap mo lang ang mga taong nandito. Manood ka lang habang makakaya mo pa." Nagpalitan ng ngiti ang pares bago sila umalis. Umiling si Wilbur, uminom ng champagne, habang nag-iisa at nag-iisip. "Dumating na ang CEO ng Cape Consortium sa Kardon Province, si Faye Yves," anunsyo ng host. Palakpakan ang sumalubong kay Faye. World-class ang Cape Consortium, kaya mahalaga ang pagdating ng CEO. Tutal, representative siya ng Cape Consortium. Tumayo naman sina Blake at Yvonne sa check-in table, nag-aabang sa pagdating ng mga bisita. Nang dumating si Faye, inihatid sila ng dalawa sa main table. Huminga ng malalim si Wilbur nang makita si Faye, ngunit agad silang ngumiti sa isa’t isa. Matapos dalhin sa upuan si Faye, bumalik sina Blake at Yvonne sa check-in table. Biglang may lumapit na matangkad at maskuladong lalaki sa kanila, kasama ang isang assistant. Naisip ng supervisor na hindi kilala nila Blake at Yvonne ang lalaking ito, kaya mabilis siyang lumapit. “Sino, sino po ang hinahanap niyo?” "Hinahanap ko si Wilbur Penn," malamig na sabi ng lalaki. Nagulat ang supervisor, lumingon siya kela Blake at Yvonne bago niya sinabi, "May problema po ba?" Sumigaw ang assistant ng lalaki, "Siya ang pinuno ng militar ng Kardon Province, si Gordon Grayson. Kailangan ko ba sabihin sayo kung ano ang gusto niyang gawin?" Nabigla ang supervisor. Mukhang may kapangyarihan ang lalaki, pero wala siya sa guest list. Nataranta rin sina Blake at Yvonne at agad silang lumapit. “General Grayson! May kailangan po ba kayo mula kay Wilbur?” Ngumisi ng palihim ang magkasintahan. Sa kanilang palagay, hindi magandang ang koneksyon ni Wilbur sa isang taong may kapangyarihan. Malamig na sinabi ni Gordon, “May personal na bagay akong kailangan asikasuhin kasama siya. Huwag kayong mag-alala. Hindi ako magiging abala sa kasal niyo.” Ang pares sa nagulat at tuwa. Hindi lang dahil hindi kilala ni Gordon si Wilbur, halata ring hindi maganda ang kanilang relasyon. May tapang pala si Wilbur na galitin ang isang national general katulad ni Gordon Grayson! Gustong-gusto talagang mamatay ng lalaking yun.. Agad na dinala ng pares si Gordon sa loob habang nagpaliwanag sila, “Wala pong kinalaman si Wilbur Penn sa amin.” “Tama. Siya po ang ex-husband ko. Nakatira lang siya sa pamilya namin ng tatlong taon, at nag-divorce kami. Pinilit niyang pumunta dito ngayon, hindi tumatanggap ng hindi, kaya hindi namin siya kayang palayasin. Ugh…” Istorya ni Yvonne, takot na baka madamay. Kumaway si Gordon. “Hindi ko kailangan malaman ang kwento mo. Nandito lang ako para ayusin ang mga bagay sa pagitan namin.” Ngumiti si Blake. “Okay lang po sa amin. Pwede niyo pong gawin ang kahit ano sa kanya. Baka nga po nararapat sa kanya na matuto ng isang leksyon mula sa inyo.” Habang sinasabi niya ito, nakarating na sila kay Wilbur. “Siya na po 'yun. May kailangan pa po ba kayong ipagawa sa akin?” Tanong ni Blake. Kumaway si Gordon. “Hindi na kailangan. Gusto ko lang siyang kausapin ng personal. Magpatuloy lang kayo sa ginagawa niyo.” “Sige po,” pumayag agad ang magkasintahan bago umalis. “May tapang ka talaga para galitin si General Grayson. Lagot ka ngayon.” Pagkatapos, sinabi ni Gordon sa driver niya na maghintay sa labas at sinabi niya, “Wag mo akong abalahin maliban kung ito ay isang tawag mula sa headquarters.” Pagkatapos ibigay ang utos, umupo siya sa harap mismo ni Wilbur. “May sasabihin ka ba?” Ang malamig na tanong ni Gordon kay Wilbur.