Kabanata 91

“Oh? Azure, inimbita mo talaga si Jarsurya ng Obloha Nuvem?” Tumalikod si Lex, nagulat sa paglitaw ng monghe. Isang maliwanag na ngiti ang lumitaw sa kaniyang mukha noong mabilis niyang pinakita ang kaniyang lubos na paggalang sa monghe. “Ah, Jarsurya the Venerable One! Salamat sa pagpunta sa aking bahay. Hindi ito masyadong malaki, patawad.” Hindi pa nakikita ni Alex si Lex na kumilos nang ganoon kagalang. Nanigas siya at inisip, ‘Ang monghe ba na ‘to ay isang makapangyarihan na anyo?’ Nang tingnang mabuti, may napansin siya. Ang monghe ay mayroong malakas-lakas na Chi—mayroon nga talaga siyang antas ng kapangyarihan. Ito ang kauna-unahang pagkakataon na may nakita si Alex na katulad niya at hindi mapigilan na magtaka. Ninais niyang tumingin muli sa Chi ng monghe. Noong suriin niyang mabuti sa huling pagkakataon ang monghe, nakaramdam siya ng pagkabigo. Sinanay nga ng monghe na ‘to ang kaniyang Chi. Gayunpaman, ang kaniya ay hindi kayang tapatan ang kay Alex. Kumpara sa Chi ni Alex, a