Kabanata 174

Nagtaka si Celine. Iniisip niya bakit kaya siya tinititigan ni Adam. Nasa tabi lang nito si Carly, pero parang hindi man lang ito interesado sa kanya. Napansin niya na nitong mga nakaraang araw, tila mas madalas nang nakatutok ang tingin ni Adam sa kanya. Tumingin si Nathan kay Celine. "Celine, tara doon, magbabad tayo sa hot spring.” Napangiti si Robin at pinigilan ang tawa. "Mukhang gusto ni Mr. Lynch ng oras na kayong dalawa lang Celine. Sige na, sige na." Nang umalis na si Celine kasama si Nathan, mabilis a tiningnan ni Robin si Adam. Halata sa kaniyang malamig at nakakatakot na tingin na wala na siya sa mood. Sa hindi malamang dahilan, nakaramdam si Robin kasiyahan. Sa ibang bahagi ng hot spring, magkasamang nagbabad sina Celine at Nathan. Nagkukuwentuhan sila nang biglang tumunog ang cellphone ni Nathan. "Celine, saglit lang. Kailangan kong sagutin ito," sabi ni Nathan. "Sige," sagot naman ni Celine. Umalis si Nathan para sagutin ang tawag, nanatili pa sandali si Celine sa