Kabanata 88

“Sa nakalipas na dalawang taon kong pagaabroad, sa pamamagitan lang ng pagluluto ako nakakatikim ng mga pagkain sa atin kaya hindi na ako masanay sa lasa ng mga pagkain sa restaurant. Kumain na lang tayo sa inyo, Lily,” Sabi ni Terence habang tinitingnan nito si Lily sa rearview mirror ng sasakyan. Imposibleng matanggihan pa siya ni Lily ngayon kaya agad itong sumangayon. Pero napagdesisyunan ni Lily na palayuin si Terence sa kusina pagbalik nila sa apartment. Pero hindi niya inasahan ang mga sumunod na nangyari—nang makapasok sila sa apartment, agad siyang hinila ni Maryanne papunta sa sofa habang hinuhubad ni Terence ang kaniyang blazer, at itinataas ang kaniyang manggaas habang diretso siyang naglalakad papunta sa kusina. “Pakiusap, Terence, hayaan mong ako na ang magluto para sa atin.” Dali daling itinulak ni Lily palayo si Maryanne. Pero bago pa man siya makatayo, agad siyang hinila pabalik ni Maryanne. “Mainit ang ulo mo ngayon kaya hindi ka dapat magluto,” pagpupumilit nito.