Kabanata 63

Nagpalitan ng tingin sina Sarah at Nadia ng ilang segundo bago umabante si Nadia para ipakilala ang kanilang mga sarili. “Ito ang assistant kong si Lily.” “Oh, ikaw pala iyan,” sagot ni Sarah habang nagpapakita siya ng inosenteng ngiti kay Lily. Nagawa pa niyang tumayo para magmukhang approachable sa dalawa. Pero nanatiling nakatayo sa kaniyang pwesto si Lily. Hinawakan niya nang maigi ang mga dokumento sa kaniyang mga kamay. Kahit na kilala ni Nadia si Sarah, kung titingnan ang mukha ni Lily, malinaw na wala siyang ideya na magkakilala rin si Lily at si Sarah. “Napakaliit talaga ng mundo,” Isip ni Lily. Palagi niyang nakikita sina Xavier at Sarah nitong nakaraan. Nagkataon lang ba talaga ang lahat ng ito? Hindi siya naniwala rito. “Magkakilala ba kayong dalawa?” Nasusurpresang tanong ni Nadia. Tumatangong sumagot si Sarah, “Oo naman.” Pero sumagot si Lily ng, “Hindi, hindi kami magkakilala.” Nabalot ng awkwardness ang paligid pero agad na binasag ni Sarah ang namumuong tens