Kabanata 48

Kahit si Helen ay tumingin kay Sean sa pagkagulat. Medyo nahiya kahit ang mismong lalaki dahil hindi rin siya makapaniwala—hindi kaya tunay na Ichor Pill ang nabili niya? Baka dapat bumili pa siya sa susunod at ipunin niya ito… “Haha! Basta't gumaling lang si Henry.” Tumawa si Gina bago tinignan si Frank. “Kita mo? Hindi ba sabi mo peke ang Ichor Pill kanina? Anong masasabi mo ngayong magaling na si Henry?” Sumali si Peter nang walang pag-aalangan. “Ano ba, Mom. Iniisip mo ba talagang nagmimiraglo siya?” Inirapan sila ni Frank. Hindi niya gustong magpaliwanag—hindi naman sila maniniwala sa kahit na anong sabihin niya ngayon kahit na hindi ang pekeng pills ang dahilan sa paggaling ni Henry. Ngunit nang tumalikod siya para umalis, mabilis siyang pinigilan ni Henry. “Saan ka pupunta, Frank? Pwede kang hindi muna umalis kahit hanggang hapunan lang…” Mapait na ngumiti si Frank. “Di muna. Kailangan ko nang umalis—marami pa kong gagawin.” “Hindi.” Hindi gusto ng matandang umalis s