Kabanata 35

Subalit, takang-taka si Dan noong dumating siya sa bahay ni Gerald nang makita niya na walang tigil ang pag-ubo ni Gerald, at maya’t maya siyang dumudura ng dugo. “Dan, bakit biglang lumubha ng ganito ang kondisyon ko?” Ang tanong ni Gerald. Walang magawa si Dan kundi haplusin ang kanyang balbas at magtanong, “Hindi maganda ang lagay ng pulso mo. May nakain ka bang hindi maganda nitong mga nakaraan araw?” Umiling ng paulit-ulit si Gerald. “Wala… at ininom ko ang gamot ko gaya ng sinabi mo sa’kin…” Lalong naguluhan si Dan dahil dito, at nagsalita siya habang nagngingitngit ang kanyang mga ngipin, “Hindi pangkaraniwan ang mga sintomas mo. Hindi ko na alam ang gagawin ko ngayon.” “Ano?! Paanong nangyari ‘yun?!” Sumigaw si Tidus Simmons, at hinawakan niya ang mga braso ni Dan. “Ikaw ang pinakamahusay na manggagamot sa Riverton! Kailangan mong iligtas ang tatay ko!” “Ayaw ko ring may mangyaring masama sa kanya,” ang mapait na sinabi ni Dan. “Pero may mga limitasyon ang kakayahan ko,