Kabanata 28

Gustong balatan ni Robin si Frank nang maisip niya na habangbuhay na siyang uupo sa isang wheelchair! Sumigaw si Leo sa tabi niya, “Sino ang may gawa nito sa anak ko?!” Nanginginig si Blondie habang sumasagot siya, “I-Isang lalaki na nagngangalang Frank Lawrence.” “Sino siya?!” “Ordinaryong tao lang siya. Siya ang dating asawa ng may-ari ng Lane Holdings.” “Dating asawa…?” Nagulat si Leo. Hindi nangahas si Blondie na maglihim ng kahit ano kay Leo, agad na sinabi ni Blondie kay Leo ang lahat ng nangyari noong araw na iyon, pati na ang pagkakaroon ng interes ni Robin kay Helen at ang kagustuhan niyang ikama si Helen. Sinuntok ni Leo ang pader dahil dito, at nag-iwan ng butas pader ang kamao niya. “Maswerte siya na nagustuhan siya ng anak ko,” ang sabi niya bago siya tumingin ng matalim kay Blondie. “Para saan ang binabayad ko sayo? Hindi ba dapat pinoprotektahan mo si Robin gamit ang buhay mo?” “Ah… uh…” Hindi makaimik si Blondie. Sumigaw si Leo, “Ipakain niyo siya sa mga isda.