Kabanata 248

Ngumiti si Frank habang sinusubukan niyang maging mabait. “Frank na lang. Hindi mo kailangang maging pormal sa’kin.” Gayunpaman, habang nagiging mas mabait siya, mas naging maingat si Fred. Lalo rin siyang nakumbinsi na may binabalak si Frank… Maya-maya ay tumunog ang phone ni Fred, at agad niya itong sinagot nang makita niya ang numero. Hindi alam ni Frank kung sino ang kausap ni Fred ngunit hindi niya maiwasang mapakunot ang kanyang noo dahil naririnig niya na nagagalit ang lalaki sa kabilang linya, "Ano bang ginagawa mo, Mr. Lawrence?! Maaabot mo ba ang quota mo para sa buwan na ‘to o hindi?!" Sa tapat ni Frank, paulit-ulit na humingi ng tawad si Fred at nagpakumbaba. "Oo naman, boss! Sisiguraduhin ko na maaabot ko ang quota ko..." "Kapag hindi mo naabot ang quota mo, pwede mo nang kunin ang mga gamit mo at umalis ka na!" Patuloy na humingi ng tawad si Fred hanggang sa ibinaba niya ang tawag, at nakahinga siya ng maluwag. Gayunpaman, hindi nagtagal ay napalitan ng hiya ang ka