Kabanata 20

Kasabay nito, umuungol at namimilipit si Peter sa may kama sa Riverton General. Hindi siya makagalaw dahil naka-plaster ang buong braso niya, habang umiiyak naman si Gina. Nadurog ang puso niya nang makita niya ang kalagayan ni Peter, “Anong nangyari, Peter? Sinong nanakit sayo?” Galit na sinabi ni Sean, “Sabihin mo sa'kin kung sino ang gumawa nito sayo. Gagantihan ko sila para sayo.” “Sino pa ba?!” Sumigaw si Peter. “Yung hayop na Frank Lawrence na ‘yun ang may gawa nito sa’kin!” Nagulat si Helen. “Pero nasa Verdant Hotel si Frank mula pa kanina…” “Inutusan niya ang mga tausan niya para saktan ako!” Nagalit si Peter. Yung totoo, binugbog siya ni Barney noong papunta na siya sa Verdant Hotel. Bagaman sinabi mismo ni Barney kay Peter na si Frank ang nag-utos sa kanya, hindi binanggit ni Peter ang katotohanan na siya ang naunang nag-utos kay Barney na bugbugin si Frank. Gayunpaman, pinagdudahan ni Helen ang kwento ni Peter. “Bakit naman magpapadala ng mga tauhan si Frank para bu