Kabanata 928

May anim na sunod-sunod na panalo si Sebastian, habang si Dangelo naman ay may limang panalo at isang talo. Ang tanging laban na natalo siya ay sa laban niya kay Alfie. Nais ni Dangelo na magwagi sa kompetisyon at makuha ang titulo ng kampeon. Ngunit pagkatapos niyang makalaban si Alfie, umalis siya sa platform matapos siyang matalo at napuno siya ng sama ng loob. Noong tumuntong si Sebastian at si Dangelo sa platform, nagsimulang magdebate ang mga manonood. "Sino sa tingin mo ang mananalo sa round na ito?* Tanong ng isang manonood. “Ano ka ba? Halata namang si Mr. Dangelo ang nananalo." "Oo nga. Natalo lang siya kay Mr. Alfie, at hindi rin naging madali para kay Alfie ang laban na ‘yun. Ibang-iba ang lebel ng dalawang ‘yun.” "Tama ka. Siguradong mananalo si Mr. Dangelo sa laban na ito.” "Malakas si Mr. Dangelo, pero huwag niyong balewalain si Sebastian. Hindi maliit na bagay ang record na anim na panalo,” sagot ng isa. Bagaman hindi isang disipulo ng Swordity si Sebastian, na