Kabanata 116

Dahan-dahang uminom ng wine si Fane. "Sampung minuto lang ang binigay ko sayo. Isang minuto agad ang lumipas!" Muling tiningnan ni Sonia ang oras. Ngumiti si Fane, nilabas niya ang kanyang phone at tinawagan ang number na binigay sa kanya ni Tanya kanina. Nilagay niya sa loudspeaker mode ang phone. Nakita ng isang empleyado ang numerong tinatawagan ni Fane at nagsalita ng malakas. "Tinatawagan niya si Ms. Tanya!" Di nagtagal, sinagot ni Tanya ang tawag. Narinig nila ang boses ni Tanya sa kabilang linya. "Fane? May nangyari ba? Bakit ka napatawag ngayong gabi?" "Wala namang nangyari, Ms. Tanya, may gusto lang akong kumpirmahin. 20 million kada buwan ba ang sahod ko?" Napangiti si Fane at muli siyang uminom ng wine. "Oo. Anong problema? Hindi ka naman siguro naliliitan dun 'no?" Halatang naguluhan si Tanya. "Huwag kang mag-alala. Sa Bagong Taon sabi ng lolo ko bibigyan ka ng 20 million na bonus. Sapat na yun kung hindi mo yun wawaldasin, di ba?" dagdag ni Tanya. Nagulat