Kabanata 71

Naghalungkat si Shannon sa bag niya, nakahanap sawakas ng utility knife. Binalot niya ito ng talisman bago ibinigay kay Scott. “Para sa proteksyon mo,” sambit niya. Kumibot ang bibig ni Scott habang tinitignan ang gamit. Hindi ba’t ang mga eksperto ay gumagamit ng iba’t ibang klase ng mga mahiwagang mga gamit? Bakit wala man lang espada si Shannon? Mukhang kaswal masyado ito para sa trabaho niya, hindi ba? Pero, sa kasamaang palad, wala siyang pagpipilian. Nagkibit balikat si Scott at ibinulsa ang espada. Matapos nila pag-usapan ni Shannon ang maaaring mangyari mamaya, siniguro niya na pareho sila ng iniisip ni Scott, kumuha pa siya ng mga talisman mula sa kanyang bag. Nalaglag ang panga ni Scott ng makita niyang ipinitik sa ere ni Shannon ang mga talisman at umiikot sila sa ere bago bumaba at lumikha ng panangga sa paligid niya. “May kakayahan talaga si Shannon…” inisip niya. Bigla, nakaramdam siya ng kumpiyansa habang hawak ang maliit na utility knife. Umakyat silang dalawa