Kabanata 46

Matapos marinig ang lahat ng nasabi, alam na alam na ng mga bisita kung anong klaseng mga tao ang pamilya Gray. Ang lahat ng awa at kabaitan na nararamdaman para sa kanila ay naglaho at napalitan ng pagkamuhi at panghahamak. Si Francis at Rachel ay nagulat at natakot. Hindi nila alam kung bakit tila nawala sa sarili si Sheila. Lumuluha na si Rachel, pero sinubukan niyang magpaliwanag, “Hindi iyan totoo. Kalokohan lang ang sinasabi ng nanay ko. Hindi ganoon ang trato namin kay Shannon—” Bago pa siya matapos magsalita, may nagsalita mula sa mga tao—ito si Clara Leigh, ang babaeng nakaitim. Siya ang unang humamak kay Rachel para sa pananamit niya na tila ba siya ang bida sa gabing ito. Sinabi niya, “Huwag ka na magpalusot. Kahit na ang mga tao na mula pa sa Jamborough ay naaamoy kung gaano kayo kalansa. Bakit pa kayo ngakukunwari na hindi namin alam kung anong plano ninyo ng pamilya Gray?” Mapanghamak na natawa din ang ibang mga bisita. Si Rachel, na hindi pa naaalipusta ng ganito,